Lajme

Hasani në forumin e Doha-s: Forcohet bashkëpunimi ekonomik e politik mes Shqipërisë dhe Katarit

Ministri i Punëve të Jashtme, Igli Hasani, ka përfunduar një vizitë dyditore në Katar, ku mori pjesë në Forumin e Doha-s me ftesë të Shkëlqesisë së Tij, Sulltan bin Saad Al-Muraikhi.

Gjatë kësaj vizite, u trajtuan tema të rëndësishme si siguria energjetike në kontekstin aktual gjeopolitik në Evropë dhe Azi.

Ministri Hasani shkruan se u diskutua mbi mundësitë për të thelluar më tej marrëdhëniet mes Shqipërisë dhe Katarit, duke u përqendruar në bashkëpunimin ekonomik dhe politik.

Hasani vlerësoi rolin e rëndësishëm të Katarit në ruajtjen e stabilitetit në Lindjen e Mesme dhe mundësitë e reja që ofron ky partneritet për të dyja palët.

“Përfundova vizitën dyditore në Katar, ku mora pjesë në forumin prestigjioz të Doha-s, me ftesë të Shkëlqesisë së Tij, Sulltan bin Saad Al-Muraikhi.

Me homologë dhe ekspertë të njohur diskutuam mbi çështje të ngutshme globale dhe mora pjesë në panelin mbi sigurinë energjetike, në kontekstin aktual gjeopolitik në Evropë dhe Azi.

Në një takim dypalësh me ministrin Al-Muraikhi, diskutuam mundësitë për të ngritur më tej marrëdhëniet, tashmë të forta mes Katarit dhe Shqipërisë, me fokus bashkëpunimin ekonomik dhe politik. Shfrytëzova gjithashtu rastin të përgëzoj ministrin për rolin thelbësor të Katarit në nxitjen e stabilitetit në Lindjen e Mesme.

Gjatë forumit u takova me drejtues të lartë të Dhomës së Tregtisë  dhe drejtorin e Fondit për Zhvillim të Katarit, ku diskutuam mbi rrugë konkrete për bashkëpunim mes vendeve tona”, shkruan Hasani në platformën X.

RTSH Shkodra

Recent Posts

Sot skadon afati për partitë, KQZ pranon dokumentet e 39 subjekteve politike

Numri i subjekteve politike që duan të konkurrojnë në zgjedhjet e 11 majit është ambicioz dhe ka pësuar rritje progresive.…

6 hours ago

Arrestimi i pajustifikuar, Gjykata e Strasburgut vendos në favor të ish-drejtorit të RTSH

Gjykata e Strasburgut kërkoi të martën (25 shkurt) dëmshpërblimin dhe shfajësimin e ish-drejtorit të Radio…

6 hours ago

Fëmija 3-vjeçar humbi jetën në spital – Drejtori Halluni dhe mjekja Naraçi sqarojnë  rrethanat e këtij rasti

Drejtori i Spitalit Rajonal Shkodër, Senad Halluni dhe  shefja e Pediatrisë , Greta Naraçi  ,…

7 hours ago

Vijon puna për hyrjen e qytetit – Mjetet po bëjnë zgjerimin e hapësirës së nevojshme

Hyrja e qytetit të Shkodrës vijon t’i nënshtrohet hapave të parë duke i çelur kështu…

7 hours ago

Përse nuk duhet t’i puthim bebet – Duket e çuditshme, por mjekët japin arsye të vlefshme

Bebet e vogla me buçkat e tyre nuk mund të rezistosh pa i puthur. Por…

7 hours ago

Aksident në aksin Shkodër-Koplik / Policia procedon 3 shtetas, mes tyre një grua

Një 68- vjeçar dhe një shtetase 57 vjeçe, të dy banues në fshatin Hot i…

7 hours ago

This website uses cookies.