Socialistët nuk humbasin më kohe, por përshpejtojnë kërkesat ndaj Parlamentit që të shqyrtojë kërkesën e tyre për ngritjen e një Komisioni të Posaçëm që do të hetojë rastet e dezinformimit.
Të mërkurën e 3 prillit kjo kërkesë do te shqyrtohet nga Konferenca e kryetarëve, e cila mblidhet edhe për të miratuar kalendarin dhe programin e parafundit të Kuvendit, përpara mbylljes se sesionit në korrik.
Mësohet se po të mërkurën në 3 prill në zyrat e Kryesisë së Kuvendit do të mblidhet edhe Byroja.
Sipas rregullores Byroja e Kuvendit shqyrton dhe vendos informacionin që vjen nga drejtuesi i Sekretariatit për Procedurat, Votimet dhe Etikën.
Ky sekretariat mori vendim javën e shkuar që të anulojë votimin e projektligjeve në seancën e datës 7 mars, proces që duhet të certifikohet edhe nga Byroja e Kuvendit.
Kjo strukturë është organi që vendos edhe për buxhetin e Kuvendit, për ankimet në rastet e konstituimit të grupeve parlamentare dhe për ankesat e grupeve parlamentare për përbërjen e komisioneve të përhershme të Kuvendit.
Kjo është hera e parë për këtë vit që zonja Nikolla thërret Byronë e Kuvendit.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.