Grupi i armatosur i Libanit, Hezbollah ka nisur një seri sulmesh me dronë dhe raketa në veri të Izraelit, ku 6 persona kanë mbetur të plagosur, ndërsa njëri prej tyre mësohet se është në gjendje të rëndë.
Tensionet midis Hezbollahut dhe Izraelit janë përshkallëzuar që kur Tel Aviv vrau komandantin e lartë ushtarak Fouad Shukr në një sulm ajror në periferinë jugore të Bejrutit më 30 korrik. Ndërsa një ditë më pas u vra në Teheran edhe shefi politik i Hamasit, Ismail Haniyeh.
Irani dhe Hamasi akuzuan Izraelin për vrasjen e Haniyeh, ndërsa Tel Avivi ende nuk e ka konfirmuar apo mohuar përgjegjësinë e kësaj vrasjeje. Pak ditë më parë Hezbollahu paralajmëroi se do të hakmerret ashpër për vrasjen e komandantit të lartë nga Izraeli.
Gjithashtu bëhet e ditur se dronët janë nisur ndaj dy qendrave ushtarake pranë Acre në veri të Izraelit si dhe sulmoi një automjet ushtarak izraelit në një vend tjetër.
Nga ana e saj, ushtria izraelite tha se një numër dronësh u identifikuan duke kaluar nga Libani dhe një prej tyre është rrëzuar. Sipas autoriteteve izraelite gjashtë civilë janë plagosur në jug të qytetit bregdetar të Nahariyas.
Frika në Lindjen e Mesme rritet çdo ditë për zgjerimin e luftës pas paralajmërimeve të Hezbollahut për t’u hakmarrë për vrasjen e komandantit të Hezbollahut Fuad Shukr dhe thirrjeve të ashpra nga Irani për t’iu përgjigjur vrasjes në Teheran javën e kaluar të kreut të grupit terrorist të Hamasit.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.