Hidhet bombë molotov jashtë shtëpisë së kryetarit të Gjykatës së Lartë në Greqi, plagoset një polic

Një bombë molotov është vendosur nga persona të panjohur në orët e mëngjesit, jashtë shtëpisë së kryetarit të Gjykatës së Lartë, në zonën e Papagos.

Persona të panjohur kanë lëshuar një bombë molotovi në drejtim të mjetit patrullues dhe pikës së vrojtimit në pikën specifike, si pasojë e kësaj automjeti ka marrë flakë dhe mjeti i patrullës së ELAS-it është shkatërruar plotësisht.

Në të njëjtën kohë ka mbetur i plagosur edhe një polic, i cili po kryente detyra sigurie. Ai u transferua në Spitalin e Përgjithshëm Ushtarak 401 të Athinës, pasi kishte plagë në fytyrë dhe duar, por jashtë rrezikut për jetën.

Ndërhyrja e Zjarrfikësve ka qenë e nevojshme për shuarjen e zjarrit që ka rënë në automjetin konkret, ndërsa nga kontrollet e deritanishme në zonën e gjerë nuk janë arrestuar dhe as nuk janë identifikuar persona që mund të jenë lidhur me sulmin.

Burrat e Sigurimit të Shtetit, të cilët kanë ndërmarrë hetimet paraprake, po analizojnë videot nga kamerat e sigurisë dhe po përpiqen të arrijnë te autorët.