1 në 3 persona ka risk të shtuar për goditje në tru dhe atak në zemër gjatë një presioni të lartë arterial . Rezultati I përllogaritjeve ne vendet evropiane është publikuar nga OBSH e cila konfirmon se komplikacionet dhe vdekjet nga tensioni I lartë dhe I pamatur po shtohen.
“Vetëm 50% e personave që vuajnë e dinë këtë gjë. Pjesa tjetër nuk e dinë se janë të prekur nga hipertensioni“, tha Dorina Toçi, Përgjegjëse e sektorit të sëmundjeve kronike , ISHP.
Në të gjitha qytetet ka nisur matja e rastësishme e tensionit e cila do të shtrihet gjatë gjithë muajit maj
“Përgjatë gjithë muajit Maj po organizohet matja e tensionit arterial, në qytete të ndryshme, në ambiente të hapura për moshat mbi 18 vjeç dhe synimi është realizimi I një kampioni prej mbi 10 mijë individësh të rastësishëm për të kuptuar se si qëndrojnë këtë vit vlerat e presionit arterial”, tha Dorina Toçi.
Studimi , pjesë e një iniciative evropiane që nga 2017-ta, ka treguar se brenda 4 vitesh, numri I personave me hipertension u rrit me 10%.
“Prevalenca është rritur dhe krahas kësaj është rritu edhe numri i personave që e kanë nën kontroll tensionin arterial. Kështu në vitin 2028 prevalenca ishte 37% ndërsa në vitin 2022 prevalenca u rrit në 47%”, tha Toçi.
Por çfarë duhet të shmangim për të mos pasur tension të lartë?
“Është shumë e rëndësishme të bëhet matje e tensionit . Të ulet konsumi i kripës, i yndyrave, i alkoolit, i duhanit dhe të shtohet aktiviteti fizik dhe konsumimi I perimeve dhe frutave”, tha përgjegjësja e sektorit të sëmundjeve kronike , ISHP.
300 mijë pacientë janë të kartelizuar në vendin tonë më hipertensionin. ISHP rekomandon matje të përditshme të tensionit në kushte shtëpie.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.