Debatit të hapur në opinionin publik disa kohë më parë rreth kioskës në formën e kontenierit që promovonte brand-in e Shkodrës turistike duket se i është dhënë fund ditën e sotme. Policia bashkiake ndërmori paraditen e së shtunës aksionin për heqjen e saj nga vendi ku ndodhej aktualisht, ai në sheshin “Nënë Tereza”, ngjitur me xhaminë “Ebu Bekër”. Aksioni për heqjen e saj zgjati rreth një orë. Si për ironi, kioska në formë kutie në qendër të qytetit ishte vendosur me qëllimin për të pasuruar imazhin e tij, por ajo asnjëherë nuk e luajti këtë funksion për të cilin ishte krijuar dhe vendosur.
Një pjesë e madhe e opinionit publik e kundërshtonte vendosjen e saj pikërisht sepse dëmtonte imazhin e qytetit në sytë e turistëve si një objekt pa shije dhe aspak në përshtatje me arkitekturën e zonës ku ishte vendosur. Kioska “nxiti” debate të shumta asokohe edhe në Këshillin Bashkiak mes anëtarëve të saj.
Kioska në formën e zyrës për promovimin e brand- it turistikë të Shkodër, u vendos në vitin 2019 falë një projekti të BE për të promovuar artizanatin në Shkodër ndërsa ishte menduar lëvizja e saj edhe në njësi të ndryshme administrative të Bashkisë Shkodër. Fillimisht ajo u vendos në qendër të zonës pedonale “Kolë Idromeno”, pjesë e ansamblit muzeal të qytetit. Për shkak të reagimit publik, ajo u hoq nga aty si një objekt i papërshtatshëm për zonën historike për t’u zhvendosur disa metra më larg në anë të xhamisë në qendër të qytetit.
Papa Françesku kritikoi të mërkurën "përshkallëzimin e tmerrshëm" të konfliktit në Liban si "të papranueshëm",…
Mbretëria e Bashkuar po dërgon rreth 700 trupa në Qipro në rast se kërkohet një…
Kryedemokrati Sali Berisha ka reaguar pas firmosjes së përfundimit të hetimeve nga SPAK në lidhje…
Shqipëria, vendi europian më pak i njohur me plazhe mahnitëse si Greqia dhe qytete alpine…
“Junior Fest 2024” ka nisur numërimin mbrapsht deri në mbajtjen e natës finale më 27…
Përbërësit (Përbërësit më poshtë janë për 4-5 persona) 4-5 thela mish viçi Dy kunguj të…
This website uses cookies.