Holanda, Koeman: Nuk meritonim më shumë
Holanda humbi kundër Austrisë dhe e mbylli Grupin D të Euro 2024 në vendin e tretë. Ky është komenti i trajnerit Koeman në fund të ndeshjes: “Ne e nisëm shumë keq në shumë aspekte, i dhamë kundërshtarit shumë mundësi. Nuk ishim agresivë dhe kishte pak presion ndaj kundërshtarëve”.
“Ishte një situatë e keqe. Në fillim nuk e kontrolluam ndeshjen. Më pas ne bëmë pak më mirë dhe patëm disa raste, por ata na ndëshkuan. Ne duhet të marrim përgjegjësi në fushë, nuk e meritonim të merrnim një rezultat më të mirë”.
