Holandezëve nuk iu del inati me Zwayer: Si mund të gjykojë një arbitër që trukon ndeshjet?

Në Holandë ende nuk e kanë kaluar zhgënjimin e eliminimit nga kampionati europian. Humbja e pësuar ndaj Anglisë është e vështirë për t’u përtypur veçanërisht për shkak të arbitrimit të diskutueshëm të Felix Zwayer, i cili shkaktoi diskutime për disa episode që vendosën fatin e ndeshjes.

Mbi të gjitha, padyshim, penalltia për një ndërhyrje të parregullt të Dumfries ndaj Kane që më pas u shndërrua në gol nga vetë sulmuesi i Bayernit. Shtypi holandez ndihet po aq i dëmtuar sa trajneri Koeman, i cili deklaroi në fund të ndeshjes: “Ne nuk humbëm për këtë, por gjyqtari fishkëlleu shumë faulle që nuk ishin faulle. Nuk ishte penallti, Dumfries provoi për të bllokuar goditjen. Ata shkatërrojnë futbollin duke parë këto lojëra me VAR. Episodi është i qartë”.

Por nuk është burimi i vetëm i polemikave: një video u bë shpejt virale në X ku tregonte Saka duke goditur topin me krahun e tij pak para goditjes së shokut të skuadrës. Kur rezultati ishte 1-1,  arbitri nuk do të kishte sinjalizuar një mbajtje mjaft të dukshme nga Declan Rice ndaj Aké; një penallti e mundshme që mund t’i kishte vënë sërish në avantazh holandezët.

Holandezët i kthehen të shkuarës së Zwayer-it, të pezulluar në vitin 2005 për marrje ryshfeti: “Si mund të caktohet një arbitër që ka trukuar disa ndeshje për të gjykuar një gjysmëfinale të Kampionatit Europian?”.