Horoskopi për ditën e sotme, 19 shtator 2024

Dashi

Sot është dita kur ju duhet të ndaloni dhe t’i jepni fund një periudhe konfuze në çift. Hapeni zemrën dhe do shikoni se yjet do ju shpërblejnë me një valë të re pasioni në dashuri. Në punë bëni kujdes me informacionet që jepni dhe kurseni ironitë. Fati është me atë që e kërkon. Pika e dobët është mosllogaritja e përgjigjeve të të tjerëve, çelësi i suksesit; intuita për të gjetur burime parash.

Demi

Flisni hapur me partnerin dhe mbështeteni në rast vështirësie. Punët e lëna pezulla po ju marrin energji të tepërt, ndaj përkushtohuni plotësisht. Klima familjare është e favorshme për të mos humbur asnjë ftesë për festa apo takime të këndshme. Refreni juaj këtë javë është një motiv i vjetër që ju lidh me fëmijërinë. Pika e dobët është varësia nga e shkuara, çelësi i suksesit talenti për të rënë në sy pa u munduar shumë.

Binjakët

Gjallëria juaj është e adhurueshme. Në dashuri po tregoheni dinak duke ditur të bëni bisht tekave të partnerit, por me shumë diplomaci. Ruani durimin me persona që përpiqen t’ju pengojnë në planet tuaja. Energjia që ju rrethon është dhuratë e shpërblim për gjithë kohën që ju heshtët para arrogancës së të tjerëve. Pika e dobët është kompleksi për t’u përballur me kolegët e rinj dhe ngatërrestarë, çelësi i suksesit; prania juaj në konflikte dhe aftësia për të gjetur fjalët e duhura.

Gaforrja

Pronat dhe çështjet ligjore ju kanë marrë gjithë energjinë por ka ardhur koha të shpërbleheni. Financat janë pozitive, ndërsa pozicionet astrale të planetëve që stimulojnë lirinë dhe shpirtin artistik po ju ëmbëlsojnë shprehitë. Në dashuri jeni të kërkuar, ndërsa partneri juaj do pak kohë ta vlerësojë këtë aspekt. Shëndeti është pika e dobët, çelësi i suksesit; humbja e lidhjes me realitetin dhe shijimi i momenteve të paqes me njerëz që ju rrinë pranë.

Luani

Ju jeni luanë dhe nuk ju mungon kurrë sinqeriteti. Mos lejoni të tjerët t’ju përdorin dhe hiqni dorë nga modestia. Në dashuri po ndiheni të pasigurtë, ndërsa sfera ekonomike po ju qetëson falë stabilitetit të krijuar. Fati është në favorin tuaj, ju duhet thjesht të dëgjoni zemrën. Pika e dobët është mungesa e kohës për t’i marrë gjërat shtruar, çelësi i suksesit; pasioni.

Virgjëresha

Kjo është një ditë pozitive për ju virgjëresha. Nganjëherë gjërat janë më të thjeshta nga çfarë ju pëlqen juve t’i komplikoni. Përkushtimi në punë ju ka bërë të shkëpusni lidhjet me miqtë e vjetër. Projekte të reja duken në horizont, qartësoni pikëpamjet. Pika e dobët frika për të eksperimentuar, çelësi i suksesit; raporti i kujdesshëm me kuletën.

Peshorja

Ju duhet të peshoni mirë interest tuaja. Reflektoni me dashamirësi ndaj rivalëve pasi konkurrenca është cilësi. Vlerësimet që keni marrë janë më e pakta që mund të dëgjoni pasi ju po ktheheni në shenjën lider të yjësisë. Eleminoni kritikat e tepërta për veten dhe dëgjoni intutën. Puna shkon mirë, por ka raste kur ju tentoni ta ndërlikoni pa shkak. Pika e dobët është mania për t’u dukur ata që nuk jeni, çelësi i suksesit; syri vëzhgues detajist.

Akrepi

Diferenconi miqtë nga lakmitarët. Mos e teproni me krenarinë e tepërt dhe bëhuni akrepët që duan të gjithë. Xhelozia ju ka mprehur vigjilencën por kjo nuk ju duhet tashmë kur gjithçka është hapur. Ulunidhe kujtoni kohën kur gjithçka rrotullohej rreth jush. Pika e dobët është papërshtatshmëria me të panjohurit, çelësi i suksesit është dëshira për të tejkaluar veten.

Shigjetari

Mendoni të zgjeroni familjen pasi planeti i dashurisë ju ka ngrohur zemrën. Afërdita po jua trazon ndjenjat dhe në mënyrë të pabesueshme po ju hedh në krahët e partnerit. Frenoni maninë për të zotëruar gjithçka pasi do ju kthehet në varësi. Puna ju ka bërë ushtarë të bindur dhe ky është pakti që keni bërë me veten për të arritur qëllimet tuaja. Pika e dobët është financat e paqëndrueshme, çelësi i suksesit aftësia për të nxitur të tjerët të ulin tensionet.

Bricjapi

Ditë e qëndrueshme kjo e sotmja nëse do dini të ruani sensin e humorit. Miqtë e njohin natyrën tuaj dashamirëse dhe do anashkalojnë ndonjë batuta pa vend. Tregoni vëmendje ndaj financave me qëllim që të siguroni edhe rezerva. Pika juaj e dobët sot ndonjë pretendim përtej mundësive për shpenzime financiare, çelësi i suksesit; takime profesionale.

Ujori

Ujorë të dashur mbajini ca sekrete për vete. Yjet ju këshillojnë të mos ua tregoni të gjitha planet tuaja të tjerëve. Ripërtërini shpresat për zhvendosje në një vend tjetër apo profesion të ri. Financat janë pozitive, mjafton të bëni siç duhet planet. Pika e dobët mbetet oreksi, çelësi i suksesit; prakticiteti me rivalët.

Peshqit

Ju peshq keni marrë këshilla të vlefshme por nuk u keni dhënë rëndësi, por yjet po tregohen bujarë. Fati ju ndihmon të rifitoni ato që keni humbur në dashuri. Në punë ju duhet përqëndrim dhe kolegët do njohin anën tuaj komike. Respektojeni orarin dhe mos “vidhni” kohë nga koha që ju duhet për famijlen. Pika e dobët është vetësakrifikimi, çelësi i suksesit; mirëkuptimi i kritikave.