Humb jetën futbollisti Ermir Lera/
Shkak aksidenti i një jave më parë
Për komunitetin e Shkodrës dhe kryesisht atë të sportit, mëngjesi i sotëm i 7 gushtit 2023 ka ardhur me një lajm të hidhur. Ka ndërruar jetë në moshën 34 vjeçare titullari i formacionit të Vllaznisë së Futsales, Ermir Lera.
Pak ditë më parë sportisti Lera pësoi një aksident, dhe si rrjedhojë prej disa ditësh ka qëndruar në reanimacion me shpresën se do ta kalonte .
Por me gjithë përkujdesjen maksimale të mjekëve, nuk arriti të mbijetojë.
Me një karrierë të mëparshme si futbollist i Vllaznisë, dhe në vijim një nga mësuesit e përkushtuar të lëndës së edukimit fizik në shkollën 9 vjeçare “Ndre Mjeda”, me rihapjen e aktivitetit të futsallës në Shkodër, Ermir Lera u bë pjesë e Vllaznisë duke qënë një nga titullarët kryesorë të këtij ekipi.
Trajneri Celulaj, drejtori sportiv Arben Xhaferi dhe presidenti Fisnik Barbullushi, e kishin projektuar Lerën në planet e Vllaznisë së re të sezonit 2023-2024, madje me një projekt shumë ambicioz për ta shpallur atë kampione.
Por, pikërisht në momentin e duhur të fillimit të punës për sezonin e ri, vjen ky lajm tronditës që ka befasuar një Shkodër të tërë, dhe së bashku me të edhe kolektivin e futsallës shkodrane, por së shumtmi familjen e tij, e cila humbi njeriun e afërt, djalin, prindin dhe bashkëshortin shembullor.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.