Prokuroria e Posaçme (SPAK) ka mbyllur hetimet dhe ka çuar për gjykim në GJKKO ish-kreun e Bashkisë së Fushë Arrëzit, Fran Tuci dhe dy persona të tjerë, Ndoc Marku dhe Durim Margjekaj.
Nëpërmjet një njoftimi, SPAK bën me dije se nga hetimet ka rezultuar se Tuci, në bashkëpunim me Ndoc Markun, me veprime dhe mosveprime të tyre, kanë çuar në dëmtimin e rëndë, vlerësuar në 234.007.500 lekë, të pasurisë së llojit “fond pyjor” dhe terrenit përkatës, regjistruar në zyrën kadastrale në emër të Bashkisë Fushë Arrëz.
Ndërsa Durim Margjekaj, administrator të firmës “Legjendari” sh.p.k., sipas hetimeve, rezulton se me dashje të plotë dhe të drejtpërdrejtë ka kryer punime ndërtimi infrastrukture pa lejen përkatëse duke sjellë pasoja të rënda në pasurinë e llojit “fond pyjor” në pronësi të bashkisë Fushë Arrëz.
Tuci dhe Marku akuzon për “shpërdorim detyre, ndërsa Margjekaj akuzohet për “ndërtimi të paligjshëm”.
Tuci u vu në pranga më 17 korrik, ndërsa dy ditë më parë ai u transferua në spitalin e burgut për shkak se shfaqi probleme shëndetësore.
Ish-kryebashkiaku Tuci, ka drejtuar pushtetin vendor në Fushë- Arrëz për dy mandate, si i zgjedhur Partisë Socialiste, nga viti 2015 deri para pak muajsh.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.