I ftuar special, Aleksandër Gjoka dhuron spektakël në Fest 63

I ftuar special në mbrëmjen magjike plot spektakël në Fest 63, ishte edhe Aleksandër Gjoka, një nga protagonistët që në fillim të viteve ‘90 në skenën e festivalit të Këngës.

Ka ftuar në sfidë edhe moderatorin e spektaklit të Fest 63, Enkel Demi, të cilin e ka pyetur nëse ka dëshirë që të këndojë.

“Do të këndosh? Mua nuk më lë të dalë nga moda publiku”, u shpreh Gjoka.

Këtë radhë në Fest 63 ai ka ardhur si i ftuar, duke ndezur skenën me këngët “Ecën në shi”, “Ditë dimri”, të cilat janë kënduar jo vetëm nga ai, por edhe nga spektatorët që kishin mbushur sallën plot e përplot.