I jepet lamtumira e fundit mjeshtrit të humorit Zef Deda, homazhet mbahen në teatrin “Migjeni” në Shkodër
zefi lamtumira e fundit
Shkodra i jep sot lamtumirën njeriut që i fali aq shumë buzëqeshje, mjeshtrit të humorit Zef Deda. Homazhet për mjeshtrin e humorit po mbahen në hollin e teatrit “Migjeni”.
Zef Deda u nda nga jeta në moshën 73-vjeçare, si pasojë e një sëmundje të rëndë nga e cila vuante prej disa kohësh.
Deda ishte një prej komedianëve më të mirë të vendit, i cilësuar edhe si Charlie Chaplin i Shqipërisë. Deda lindi në Shkodër më 27 korrik 1950 dhe është shkolluar në qytetin e tij të lindjes, dhe në politeknikumin e ndërtimit në Tiranë.
Deda ka punuar për më shumë se 40-vite në Teatrin “Migjeni” të Shkodrës.
Homazhet do të mbahen në hodhin e teatrit deri në orën 13:00 kur kortezhi do të niset për meshën e dritës e më pas përcjellja për në banesën e fundit, në varrezat e Rrmajit.
Zef Deda do të mbetet në memorien e shqiptarëve si një ndër artistët e rrallë të skenës që la pas një pasuri të madhe.
