I vendoset lëndë plasëse në makinë policit në Shkodër, s’ka persona të lënduar

Automjetit të një efektivi të policisë në Shkodër i është vendosur lëndë plasëse. Policia bën me dije se ngjarja u regjistrua në lagjen “Tepe” në Shkodër, ndërsa automjeti i efektivit me inicialet K.S., 50 vjeç, ka qenë i parkuar në oborrin e banesës.

Lënda plasëse ishte vendosur në gomën e pasme të automjetit, ndërsa si pasojë e shpërthimit, makina është dëmtuar. Fatmirësisht, nga shpërthimi nuk ka patur persona të lënduar.

Menjëherë në vendngjarje kanë shkuar forcat e Policisë   të cilat vijojnë kontrollin në zonë.

Ndërkohë grupi hetimor nën drejtimin e Prokurorisë  po kryen veprimet për sqarimin e rrethanave të ngjarjes, identifikimin dhe kapjen e autorit.