IA ndihmon në mënyrë disproporcionale në mbrojtjen kundër kërcënimeve të sigurisë kibernetike

Zhvillimet e shpejta në inteligjencën artificiale mund të ndihmojnë në forcimin e mbrojtjes kundër kërcënimeve të sigurisë në hapësirën kibernetike, sipas CEO të Google, Sundar Pichai.

“IA ndihmon në mënyrë disproporcionale në mbrojtjen kundër kërcënimeve të sigurisë kibernetike”, tha ai.

​Mes shqetësimeve në rritje për përdorimet potencialisht të këqija të IA-së, Pichai tha se mjetet e inteligjencës mund të ndihmojnë qeveritë dhe kompanitë të përshpejtojnë zbulimin dhe përgjigjen ndaj kërcënimeve nga aktorët armiqësorë.

“Ne kemi të drejtë të shqetësohemi për ndikimin në sigurinë kibernetike. Por IA-ja, mendoj se në fakt, në mënyrë kundërintuitive, forcon mbrojtjen tonë ndaj sigurisë kibernetike”, u tha Pichai delegatëve në Konferencën e Sigurisë në Mynih në fund të javës së kaluar.

Pichai tha se IA-ja ishte duke ulur kohën e nevojshme për mbrojtësit për të zbuluar sulmet dhe për të reaguar kundër tyre.

Ai tha se kjo do të reduktonte atë që njihet si dilema e mbrojtësve, ku hakerët kibernetikë duhet të jenë të suksesshëm vetëm një herë në një sistem, ndërsa një mbrojtës duhet të jetë i suksesshëm çdo herë për ta mbrojtur atë. //a.i/