“Idromeno, Shkodra mbretëresha e arteve” – Ekspozitë me 111 vepra artistike në Galerinë e Arteve të Shkodrës
Në Galerinë e Arteve të Shkodrës është hapur ekspozita “Idromeno, Shkodra mbretëresha e arteve dhe artistët e Alpeve shqiptare”, një ngjarje madhore që mbyll projektin “Psikologjia shqiptare në artet pamore” të Galerisë Kombëtare të Arteve në Tiranë.
Në këtë ekspozitë janë përfshirë 111 vepra nga 76 artistë të njohur, që përfaqësojnë trevat nga Shkodra, Lezha, Malësia e Madhe, Mirdita, Laçi, Kukësi, Puka, Peshkopia dhe Tropoja.
Kjo larmi krijuese reflekton fillesat e artit laik dhe ndikimet perëndimore në zhvillimin e artit modern shqiptar.
Ekspozita do të qëndrojë e hapur deri më 17 maj dhe është një ftesë e hapur për të gjithë artdashësit që të rikthejnë vëmendjen tek trashëgimia pamore e trevave shqiptare.
