Iftari i familjes, Myftinia Shkodër përmbyll muajin e shenjtë të Ramazanit
Përgjatë muajit të shenjtë të Ramazanit, shtrimi i iftareve të përbashkëta është praktikuar herë pas here në Shkodër. I tillë ishte edhe iftari i madh i familjes, traditë prej vitesh, i shtruar nga Myftinia e Shkodrës, në mjediset e brendshme të stadiumit “Loro Boriçi”. Fjalën e përshëndetjes për të pranishmit e pati Zëvendës Myftiu Arben Halluni.
Ky iftar shërben për të përcjellë disa mesazhe të rëndësishme për besimtarët. Ai i shërben forcimit të familjes si një bërthamë e shoqërisë, u shpreh më tej Halluni.
Muaji i shenjtë i Ramazanit është në përfundim dhe ai shërben si një pastrim shpirtëror për besimtarët myslimanë.
Në mbylljen e muajit të shenjtë të Ramazanit, myslimanët në të gjithë botën festojnë festën e Fitër Bajramit.
