Indeksi global i krimit/ Shqipëria përmirëson luftën kundër kriminalitetit

Shqipëria ka shënuar përmirësime në luftën kundër kriminalitetit, duke u ngjitur me 26 vende mes 193 shteteve të botës.

Në Indeksin Global të Krimit të Organizuar për vitin 2023, Shqipëria renditet e 87-ta nga pozicioni  61 në vitin 2021, duke u vlerësuar me notën 5.17.

Raporti konstaton rënien e aktivitetit të kultivimit të kanabisit në vend si pasojë e ndërhyrjeve të policisë dhe shkatërrimin e  plantacioneve.

Por Agjencia me bazë në Gjenevë vëren se Shqipëria mbetet një vend tranzit për heroinën nga Turqia apo Afganistani si dhe të kokainës nga Amerika Latine drejt vendeve evropiane.

Gjithashtu Shqipëria figuron si vend burim për krimet kiberentike, në shifrën 10% në të gjithë Europën.

Përmirësime janë shënuar në reduktimin e kalimeve të refugjatëve apo azil kërkuesve. Trafiku i armëve në Shqipëri mbetet relativisht më i kufizuar se në shtetet e tjera të Ballkanit.

Raporti flet për rolin e grupeve mafioze dhe bashkëpunimi i tyre me zyrtarë të korruptuar të policisë apo gjyqësorit me ndikim deri në politikë. Përfshirja e të rinjve në rrjetet kriminale verëhet si tendencë shqetësuese.

Rezultate pozitive janë vërejtur vitet e fundit pas zbatimit të reformës në drejtësi,  por perceptimi i korrupsionit për sistemin mbetet i lartë, bazuar në dënimet e dhëna për anëtarë të grupeve të krimit të organizuar apo zyrtarë të korruptuar shtetëror.

Në rang botëror, pesë vendet me notën më të lartë të kriminalitetit janë Mianmari, Kolumbia, Meksika, Paraguaji dhe Republika Demokratike e Kongos.