Shqipëria vazhdon të shënojë përmirësime në luftën e saj kundër kriminalitetit, duke u ngjitur me 26 vende mes 193 shteteve të botës.
Në Indeksin Global të Krimit të Organizuar për vitin 2023, Shqipëria renditet e 98-ta nga pozicioni i 61-të në vitin 2021. Në rang europian vendi është i 15-ti mes 44 shteteve të marra në analizë, 6 pozicione më lart se dy vite më parë, duke u vlerësuar me notën 5.17.
Çfarë vlerësohet nga agjencia me bazë në Gjenevë janë rezultatet pozitive të vërejtura prej vitesh pas zbatimit të reformës në drejtësi kundër korrupsionit.
Përmirësime vërehen në aspektin e bashkëpunimit ndërkombëtar dhe sistemin gjyqësor, në luftën kundër trafikimit të qenieve njerëzore, tregtimit të kokainës dhe kanabisit dhe ndaj rrjeteve kriminale.
Raporti konstaton rënien e aktivitetit të kultivimit të kanabisit në vend.
“Ndërhyrjet e policisë, shkatërrimi i plantacioneve dhe përpjekjet shtetërore për të ndryshuar modelin e këtij biznesi kanë shkaktuar një rënie drastike të kultivimit të kanabisit nga viti 2016. Prodhimi është kthyer nga kultivimi i jashtëm në metodat e brendshme,” thekson raporti i Nismës Globale.
Më shumë punë kërkohet në drejtimin e luftës ndaj tregtimit të drogave sintetike dhe aktorëve “shtetërorë apo joshtetërorë që operojnë jashtë vendlindjes, qoftë shtetas të huaj apo grupe të diasporës”.
Për rajonin, Serbia regjistron notën më të lartë të kriminalitetit, 6,22, çka e rendit vendin të 40-in nga 193 të marrë në analizë, ndjekur nga Mali i Zi me 5,90 (i 54-ti), ndërsa Maqedonia e Veriut renditet më lart se Shqipëria, e 93-ta me 5,03.
Në rang botëror, pesë vendet me notën më të lartë të kriminalitetit renditen sipas radhës Mianmari, Kolumbia, Meksika, Paraguaji dhe Republika Demokratike e Kongos.
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
Ministri i Mbrojtjes Pirro Vengu ka bërë me dije se një prej prioriteteve të institucionit…
“Shqipëria e së ardhmes do të jetë si Italia”, ka qenë kjo deklarata e kryeministrit…
Një sasi lënde plasëse është hedhur në derën e jashtme të një banese në fshatin…
This website uses cookies.