Infermierët e rinj “zbulojnë” SHBA-në , Pjetri: 18 ish- studentë kanë kërkuar ekuivalencë të diplomës
Prej 2 vitesh diploma e Infermierisë së Përgjithshme Shkodër njihet edhe në Shtetet e Bashkuara të Amerikës.
Kjo ka sjellë bum kërkesash të infermierëve të rinj për të shkuar në një nga shtetet e SHBA.
Shefi i departamentit të infermierisë në Shkodër, Emiljano Pjetri, tregon se në 2 vitet e fundit janë 18 të larguar.
Vetëm përgjatë kësaj jave, 3 ish-studentë janë paraqitur për të plotësuar njësimin e diplomës, pasi SHBA ka kërkesa të shtuara në plotësimin e formularëve.
Pjetri tregon se 80% e studentëve që kanë mbaruar degën infermieri në Shkodër janë punësuar, brenda apo jashtë vendit. Faktor i cili mbetet edhe arsyeja kryesore përse dega infermieri e përgjithshme plotëson kuotat që në raundin e parë.
