Infrastruktura arsimore – Bashkia Shkodër investon për rikonstruksionin e oborrit të shkollës “Azem Hajdari”

Oborri i shkollës 9-vjeçare “Azem Hajdari” në qytetin e Shkodrës është përfshirë një rikonstruksioni të plotë.

Me një investim të Bashkisë Shkodër, në kuadër të sistemimit të oborreve të shkollave që kishin problematikë të mbartur prej vitesh nga sistemi i munguar i kanalizimeve, Ndërmarrja e Objekteve Arsimore ka nisur gjatë ditës së sotme punën në këtë objekt.

Për drejtoreshën e shkollës 9- vjeçare “Azem Hajdari”, kjo ndërhyrje ka qënë një kërkesë e kahershme jo vetëm e stafit mësimore,  por edhe komunitetit të prindërve drejtuar Bashkisë Shkodër dhe Këshillit .

Janë disa oborre shkollash të cilat janë përfshirë në rikonstruksion me qëllim përmirësimin e infrastrukturës për nxënësit dhe mësuesit që frekuentojnë këto godina arsimore.

 Këto ndërhyrje janë pjesë e një pakete të plotë të investimeve që vijnë nga Bashkia Shkodër të parashikuara edhe në buxhetin e Bashkisë për t’i shërbyer nxënësve të shkollave të qytetit të Shkodrës.