Infrastruktura arsimore – Vijon rikonstruksioni i shkollave “Ndre Mjeda” dhe “Kolë Idromeno”

Dy shkolla të rëndësishme në Shkodër po i nënshtrohen rikonstruksionit të plotë, një investim i Bashkisë Shkodër që synon përmirësimin e kushteve për nxënësit dhe mësimdhënien.

 Punimet po vijojnë çdo ditë, pa ndërprerje, me qëllim përfundimin brenda afateve të parashikuara.

Në shkollën 9-vjeçare “Ndre Mjeda”, ky investim do t’i japë fund problemit të mësimit me turne, duke e kthyer godinën në një institucion model.

Edhe gjimnazi “Kole Idromeno” po rikonstruktohet plotësisht, një investim i domosdoshëm për shkak të amortizimit të godinës ndër vite.

Investimi i Bashkisë Shkodër po mirëpritet nga komuniteti i prindërve dhe mësuesve si një hap i rëndësishëm për përmirësimin e infrastrukturës arsimore në qytet.