Infrastruktura në qytet – Banorët e lagjes “Zooteknikë” kërkojnë rikonstruksionin e rrugës

Janë jo larg qendrës së qytetit dhe vuajnë prej vitesh për mungesën e investimeve. Në të gjithë gjatësinë e tyre disa rrugë në “Zooteknikë” janë në gjendje të keqe. Banorët vijojnë të ankohen, pasi situata është e përkeqësuar në të gjitha stinët, si në verë po ashtu edhe në dimër.

Si gjithmonë, edhe për këtë pjesë të qytetit të Shkodrës nuk kanë munguar premtimet nga politika, por deri më sot asgjë nuk është bërë, tha një banor i kësaj lagjeje.

Mungesa e investimeve është një problem jo i vogël për periferinë e qytetit të Shkodrës, që vijon të përballet me të njëjtin problem prej vitesh.