Infrastruktura rrugore në rrethina – Në fshatin Bardhaj, vite që banorët presin të investohet

Mungesa e infastrukturës, por edhe mos menaxhimi i mbeturinave , vazhdon të jetë prezent me dekada në fshatin Bardhaj, pjesë e Njësisë Administrative Rrethina.

Investimet në këtë zonë kanë qënë të kufizuara, duke bërë që këto banorë ta ndjejnë veten , sikur janë në një zonë të braktisur dhe askush nuk përgjigjet për ta.

Në rrugën, e cila kalon pranë argjinaturës së Kirit, përpos gropave , bie në sy edhe prezenca e madhe e mbeturinave.

 Banorët duket se kanë gjetur rrugën më të shkurtër duke i depozituar ato pranë brigjeve të Kirit.

Mesa duket, ky veprim i nxit banorët, në mungesë të koshave të mbeturinave.

Infrastruktura e dobët, bashkë me mungesën e koshave për mbeturinave, janë dy çështje të cilat janë ngritur si problem disa herë nga banorët e Bardhajve, por duket se kërkesat e tyre nuk janë marrë parasysh.

Gërryerja, hedhja e mbeturinave dhe harresa totale,  çojnë më pas në një gjëndje ku askush nuk ka forcën për ta sjellë në gjëndjen e mëparshme.

 E pasojat i ndjejnë vetëm banorët, që lidhen në mënyra të ndryshme me shtratet e lumenjve, duke jetuar me frikën e përmbytjes sa herë ka reshje shiu.