Inter-Leipzig, Inzaghi: Renditja nuk pasqyron se si ata luajnë
Interi është rikthyer për të shijuar Ligën e Kampionëve pas goleadës së Bentegodi kundër Veronës. Pasi kanë arkivuar fitoren e madhe në kampionat, djemtë e Simone Inzaghit po përgatiten të mirëpresin Leipzig në San Siro për të mos humbur hapin me vendet e kreut në grupin e vetëm të Champions League.
Dita e pestë kundër gjermanëve, ende në lartësi zero, mund të duket e lehtë për zikaltërit, por ata nuk duan dhe nuk mund ta nënvlerësojnë kundërshtarin e tyre. Dhe Inzaghi e di mirë këtë: “Është një ekip cilësor, në katër ndeshjet e Champions League që luajtën ata merituan më shumë”.
“Ata kanë lojtarë të shkëlqyer dhe renditja e tyre nuk pasqyron mënyrën se si ata luajtën. Ne e dimë se kemi përballë një ekip të fortë”.
Ka disa dyshime për formacionin: “Frattesi ka një problem me kyçin e këmbës, do të shoh mes Bisseck dhe Bastonit. Taremi e dinte se me ardhjen te Inter do të kishte konkurrencë më të madhe. Ai duhet të vazhdojë të punojë siç po bën”.
