Investime në arsimin professional, ndërhyrjet pritet të sigurojnë kushte dhe standarde të larta për nxënësit
Shkolla profesionale “Hamdi Bushati” në Shkodër është njëra nga shkollat që ka përfituar nga Akti Normativ i Qeverisë një fond investimi i alokuar për një grup prej 10 shkollash profesionale dhe 2 qendrash të formimit profesional. Ndërhyrja në këtë shkollë do të konsistojë në kabinetet e saj dhe pjesë të tjera, por nuk do të ketë ndikim në procesin mësimor.
Deri tani nuk ka një datë se kur pritet të nisin punimet , por gjasat janë që kjo të ndodhë nga fundi i vitit.
Ndërhyrjet pritet të sigurojnë kushte dhe standarde të larta për nxënësit e mësuesit e arsimit profesional. Më shumë se 5000 nxënës në vend do të kenë mundësi të përfitojnë nga infrastruktura e re dhe laboratorët e pajisur me teknologjinë më të fundit.