Investimet e huaja në sektorin financiar, 74 milionë euro
Sipas Bankës së Shqipërisë, vlera e investimeve të huaja në degën e aktiviteteve financiare dhe të sigurimit për 3-mujorin e parë të vitit 2024, shënoi 74 milionë euro.
Shërbimet financiare, renditen në sektorin e dytë pas pasurive të paluajtshme në totalin e investimeve të huaja direkte.
Banka e Shqipërisë, njofton se “ky sektor solli investime në vlerën e 74 milionë eurove ose 21% të totalit. Investimet në këtë sektor u rritën me rreth 164% krahasuar me një vit më parë. Sektori bankar sjell në vazhdimësi flukse të konsiderueshme investimesh, të mbështetura nga fitimet e larta vjetore dhe nga rritja e kërkesave rregullatore për kapital në vitet e fundit” njofton Banka.
Stoku total i investimeve të huaja në këtë sektor ka arritur tashmë në 1.6 miliard euro.
