Investimet penitenciare- Flotë e re automjetesh për burgjet, Manja: Rrisim pagat e punonjësve

Drejtoria e Burgjeve është pajisuar me flotë të re automjetesh. Gjatë fjalës së tij në prezantimit të flotës së re për burgjet Ministri i Drejtësisë, Ulsi Manja theksoi se po rrisim ndjeshëm standartet e sigurisë dhe trajtimin dinjitoz të burgosurve në Shqipëri.

Ministri zbuloi se ka objektiv pndërtimin e institucioneve të reja me kapacitet më të madh duke reduktuar kostot dhe duke përmirësuar kushtet e dënimit.

“Jemi sot këtu të rrethuar nga flota ere e automjeteve të Drejtorise së Burgjeve, dëshmi e investimeve e viteve të fundit të  transportit në sistemin penitenciar.

Falë mbështetjes nga partnerët britanikë po rrisim standartet e sistemit penitenciar në infrastrukturë duke përmirësuar ndjeshëm standartet e sigurisë dhe trajtimin dinjitoz të burgosurve në Shqipëri.

Në masterpalnin tonë 2023-30 kemi vendosur objektivin e qarte për ndërtimin e institucioneve të reja me kapacitet më të madh duke reduktuar kostot dhe duke përmirësuar kushtet e dënimit. Vëmendje të posaçme do ti dedikohet vendënimit të grave.

Në kuadër të këtyre planeve, do të mbyllim 10 burge të trashëguara nga komunizmi si ai i Burrelit dhe Tepelenës të cilat do të vlerësohet për tu kthyer në vende memorie”, u shpreh ministri.

Manja deklaroi se me buxhetin e vitit 2024, do të ketë një rritje të pagës me 10% për punonjësit e burgjeve.

“Përpos investimeve ne infrastrukturë fizike, investimi jonë është për 4 mije 524 punonjësit e burgjeve duke barazuar pagat me ato të policisë të shtetit. Madje një rritje me 10 % pritet të ndodhe me ligjin e ri të buxhetit të sapo miratuar në Kuvend”, deklaroi Manja.