iPhone 15, përdoruesit ankohen për problemet e mbinxehjes: Nuk mbahet në dorë

Kompania Apple po përballet me ankesa nga përdoruesit për mbinxehje në lidhje me modelet e reja të iPhone 15, me disa klientë që pretendojnë se korniza e titanit bëhet aq e nxehtë sa nuk mund të mbahet në dorë.

Forumi i komunitetit i prodhuesit të iPhone po përcjell reagimet e klientëve në lidhje me iPhone 15 Pro dhe Pro Max, duke pretenduar se celularët po mbinxehen.

“Kam pasur iPhone 15 Pro të ri dhe është kaq i nxehtë, është shumë i nxehtë për ta mbajtur,” shkroi një përdorues . Një tjetër ka shkruar: “Më djeg lëkura!!! Çfarë po ndodh me iPhone 15 Pro Max??”

Ka shumë postime në forumin e Apple që i referohen mbinxehjes së serisë iPhone 15 Pro, me një përdorues që postoi një foto të iPhone 15 pranë një termometri që regjistron një temperaturë prej 44C .

Ming-Chi Kuo, një analist i Apple, tha se çdo problem i mbinxehjes ishte ndoshta për shkak të “kompromiseve” në dizajnin e telefonit pasi kompania u përpoq të zvogëlonte peshën e produktit.

Modeli iPhone Pro ka një kornizë të bërë nga titani, një përcjellës i dobët i nxehtësisë, i cili mund të pengojë aftësinë e celularit për të shpërndarë nxehtësinë. Më parë, Apple ka përdorur çelik inox për telefonat e saj./ The Guardian