Ish-ministri i jashtëm kroat, Miro Kovaç ka deklaruar se shumë shpejt Kosova do t’i bashkohet NATO-s me të drejta të plota.
“Kur bëhet fjalë për gjithë komunitetin shqiptar Kroacia është përkrahëse tejet e fuqishme e NATO-s dhe gjithsesi e gjithë aleancës transatlantike. Jemi shumë të gëzuar që i jemi bashkuar aleatëve tanë bashkë më Shqipërinë dhe gjithsesi presim që edhe Kosova shumë shpejt të jetë anëtare e NATO-s me të drejta të plota”, tha Kovaç, gjatë intervistës në RTK.
Sa i përket shqetësimeve për ndonjë konflikt të mundshëm në Ballkanin Perëndimor, Kovaç theksoi se është Bashkimi Evropian që merret me sigurinë.
Ai shtoi se Shqipëria, Mali i Zi dhe Maqedonia e Veriut, si vende anëtare të NATO-s nuk duhet të shqetësohen për sigurinë në Ballkan.
“E para, Ballkani Perëndimor është oborri i Bashkimit Evropian, prandaj BE gjithsesi duhet të merret me këtë punë. Dhe së dyti, Shqipëria, Mali i Zi dhe Maqedonia e Veriut, janë anëtare të NATO-s dhe nuk kanë asnjë brengë sa i përket sigurisë në Ballkan. Mund të ketë telashe të vogla, por nuk besoj që dikush guxon ta sfidojë këtë rend në Ballkanin Perëndimor“, shtoi ai.
Ndalur më tej te sulmet e 23 shtatorit të 2023-shit në Banjskë, për ish-ministrin nuk ishin gjë tjetër, veçse përpjekje për të shkaktuar trazira.
“Mund të ketë përpjekje për trazira në Kosovë, porse po pati diçka të ngjashme më Banjskën gjithsesi do të ketë intervenim brenda Kosovës dhe se këto janë vetëm ide dhe nuk besoj që do të konkretizohen”, përfundoi Kovaç.
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
Ministri i Mbrojtjes Pirro Vengu ka bërë me dije se një prej prioriteteve të institucionit…
“Shqipëria e së ardhmes do të jetë si Italia”, ka qenë kjo deklarata e kryeministrit…
Një sasi lënde plasëse është hedhur në derën e jashtme të një banese në fshatin…
This website uses cookies.