Ish-presidenti rus, Dmitri Medvedev, “i lutet Zotit” që vendi i tij të mos hyjë në luftë me NATO-n, pasi kjo përballje do të përfundonte veç me “apokalips” bërthamor.
Medvedevi, tanimë nënkryetar i Këshillit të Sigurimit të Rusisë, u shpreh në rrjetin “Telegram” se një luftë me aleancën e Atlantikut Verior nuk do i linte zgjedhje tjetër Moskës.
“Nëse, Zoti na ruajttë, një luftë e tillë ndodh, ajo nuk do të bëhet sipas skenarit të operacionit special ushtarak [në Ukrainë]” dhe “nuk do të zhvillohet në llogore me artileri, armatura, dronë dhe mjete luftarake elektronike. NATO është një bllok i madh ushtarak, me një popullsi pothuajse një miliard njerëz dhe buxheti i tyre i përbashkët ushtarak mund të arrijë një trilion dollarë,” shpjegoi Medvedev.
“Prandaj, për shkak të potencialeve tona ushtarake [respektive] të pakrahasueshme, thjesht nuk do të kemi alternativë. Përgjigja do të jetë asimetrike. Për të mbrojtur integritetin territorial të vendit, do të përdoren raketa balistike dhe raketa të lartësisë së ulët me testata speciale [“bërthamore”, TASS]. Kjo bazohet në dokumentet tona doktrinore ushtarake dhe është e njohur për të gjithë. Dhe kjo është pikërisht [ekuivalente me] Apokalipsin e gojëdhënave. Do të jetë fundi i gjithçkaje!” theksoi Medvedev.
Sipas ish-kryeministrit rus, fajin për situatën e kanë edhe “shefat europianë, të cilët gënjejnë në mënyrë cinike qytetarët” mbi nevojën për “luftë me Rusinë”.
Që prej 24 shkurtit 2022, kur Rusia përshkallëzoi konfliktin me Ukrainën përmes pushtimit, dhjetëra mijëra ushtarë e civilë kanë mbetur viktima dhe miliona të tjerë janë shpërngulur nga vendbanimet. Ndërsa bilanci rëndohet përvit, mbi 140 shtete anëtare të Asamblesë së Përgjithshme të OKB-së i kanë bërë thirrje Rusisë me rezolutë që të tërhiqet nga lufta.
Shefi i NATO-s, Jens Stoltenberg, deklaroi në fundjanar në Uashington se nëse Rusia arrin ta pushtojë Ukrainën, përveç Europës, edhe siguria e SHBA-së do të ishte në rrezik. /TASS
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.