Niki (Nikki) Haley dhe Ron DeSantis, dikur rivalët më të mëdhenj të Donald Tramp (Trump) në partinë republikane, i kanë dhënë mbështetjen e plotë kandidaturës presidenciale të Tramp, një thirrje për unitet që shërbeu për të nënvizuar kontrollin e ish-presidentit mbi partinë republikane.
“Do të filloj duke bërë një gjë krejtësisht të qartë: Donald Tramp ka mbështetjen time të fortë, pikë. Ju nuk duhet të pajtoheni me Tramp 100% të kohës për të votuar për të. Merre nga unë. Unë nuk kam qenë gjithmonë dakord me Presidentin Tramp. Por ne pajtohemi më shpesh sesa nuk pajtohemi”, tha Haley.
Haley, e cila shërbeu si guvernatore e Karolinës së Jugut dhe ambasadore e Trampit në Kombet e Bashkuara, kundërshtoi atë që ajo e shihte si arritje të politikës së jashtme të Tramp.
“Kur Donald Tramp ishte president, Putin nuk bëri asgjë. Asnjë pushtim. Asnjë luftë. Nuk ishte rastësi. Putini nuk e sulmoi Ukrainën sepse e dinte se Donald Tramp ishte i ashpër. Një president i fortë nuk fillon luftërat. Një president i fortë parandalon luftërat”, tha ajo, duke marrë duartrokitje të forta.
DeSantis gjithashtu e bëri të qartë menjëherë se ai po mbështeste Tramp.
“Le ta kthejmë Xho Bajden (Joe Biden) në bodrumin e tij dhe le ta kthejmë Donald Tramp në Shtëpinë e Bardhë”, tha ai.
Haley dhe as DeSantis pranuan ftesën e Tramp për të folur në Konventë, pas atentatit të së shtunës për të vrarë ish-presidentin.
“Presidenti Tramp më kërkoi të flas në këtë konventë në emër të unitetit. Ishte një ftesë e këndshme dhe isha e lumtur që e pranova”, tha Haley.
Politikanë dhe ekonomistë janë përpjekur që gjatë fushatës presidenciale amerikane të parashikojnë ndikimet e ardhjes…
Gjatë një ceremonie të veçantë të organizuar përpara inaugurimit të Presidentit Donald Trump, një takim…
Teksa vendi është më pak se katër muaj para zgjedhjeve parlamentare të 11 majit, krimet zgjedhore…
Drishti në Bashkinë e Shkodrës njihet për lakrën dhe qepën atutoktone që kultivohen për më…
Qendra Komunitare Shendetit Mendor nuk ka pranuar të zhvendoset pranë poliklinikës së qytetit. Pas rikontruksionit…
Nuk ka të ndalur depozitimi i mbetjeve të ndryshme në brigjet e përroi të Vrakës.…
This website uses cookies.