Ish-zonja e parë Mishelë (Michelle) Obama ka deklaruar se Kamala Harris është një nga njerëzit më të kualifikuar për të kërkuar postin e Presidentes së SHBA.
“Dhe ajo është një nga më dinjitozët, një nderim për nënën e saj, për nënën time dhe ndoshta edhe për nënën tuaj. Mishërimi i historive që i tregojmë vetes për këtë vend. historia e saj është historia juaj. Është historia ime. Është historia e shumicës dërrmuese të amerikanëve që përpiqen të ndërtojnë një jetë më të mirë“, deklaroi Obama gjatë fjalimit të saj në natën e dytë të Konventës Kombëtare Demokratike.
Obama nuk kurseu as sulmet ndaj Donald Tramp (Trump) në lidhje me deklaratat që ky i fundit ka bërë për emigrantët.
“Kush do t’i thotë atij se një nga ato punë që ai mund të kërkojë mund të jetë një nga ato punët e zeza?”, tha Obama, duke iu referuar komenteve të Tramp mbi emigrantët që kalojnë kufirin, teksa ka thënë se ata po merrnin “punë të zeza”, në një përpjekje për të apeluar votuesit me ngjyrë.
Obama u shpreh se Tramp bëri gjithçka që ishte në fuqinë e tij për t’i bërë njerëzit të kenë frikë nga njerëzit me ngjyrë.
“Pamja e tij e kufizuar dhe e ngushtë për botën e bëri atë të ndihej i kërcënuar nga ekzistenca e dy njerëzve punëtorë, shumë inteligjentë dhe të suksesshëm, të cilët gjithashtu ishin me ngjyrë,” tha Mishelë Obama.
Në pritje të 90’ të fundit të takimeve të vlefshme për fazën e parë të…
Këshilli Drejtues i RTSH vendosi të shtyjë seancën për paraqitjen e platformave të kandidatëve për…
Krahas zgjerimit të shërbimeve ambulatore, Poliliklinika e rikonstruktuar tashmë ndihmon edhe vetë Spitalin Rajonal, pasi…
Suksesi i kapitenit të Vllaznisë Bekim Balaj me fitimin e tre trofeve të ceremonisë Gala…
Kjo e enjte ka rikthyer reshjet e dëborës në lartësitë mbi 800 meter në nivelin…
Të rinjtë e Klubi Studentor “Fryma e Natyrës” veprimtarinë e parë ia kushtuan ligatinave, në…
This website uses cookies.