Seanca e posaçme në Kuvend, e planifikuar të mbahej pasditen e sotme (29 korrik) është shtyrë për ditën e nesërme, për arsye që nuk bëhen me dije. Seanca pritet të mbahet në orën 18:00, ndërsa do të bëhet votimi i fshehtë për emërimin e Elisa Spiropalit si kryetare e re e Kuvendit, pas dorëheqjes së Lindita Nikollës.
Kandidatura e Spiropalit u propozua nga vetë Rama në Kongresin e PS-së që u mbajt të dielën, por nuk pengon edhe propozime të reja nga grupet parlamentare të opozitës për kandidatura alternative.
Nesër në Kuvend socialistët do të jenë edhe në pritje të dekreteve të Presidentit Bajram Begaj, për lirimin nga detyra dhe emërimin e ministrave të rinj të propozuar nga Rama.
Gjithashtu, parlamenti do të votojë hapur për ndryshimet në kabinetin qeveritar, të cilat u shpallën nga kryeministri Rama gjatë Kongresit të PS-së.
Kuvendi do të bëjë edhe dy ndryshime të tjera të rëndësishme. Nënkryetar i Kuvendit nga radhët e socialistëve do të jetë Bledi Çuçi, i cilin deri më tani ka drejtuar grupin parlamentar socialist. Në këtë pozicion Rama propozoi Niko Peleshin, i cili nuk do të jetë më ministër i Mbrojtjes. Taulant Balla u propozua në postin e ministrit për Marrëdhëniet me Parlamentin, duke zëvendësuar Spiropalin; Ervin Hoxha, si ministër i Brendshëm, Petrit Malaj si ministër i Financave dhe Piro Vëngu si ministër i Mbrojtjes.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.