Izrael-Hamas-SHBA: Nuk po kërkojmë luftë me Iranin, të ndalen sulmet

“Shtëpia e Bardhë nuk po kërkon luftë me Iranin apo përshkallëzim rajonal”, kështu ka deklaruar Zëdhënësi i Këshillit të Sigurisë Kombëtare, Xhon Kirby (John Kirby) ndërsa shton se dëshirojnë një Lindje të Mesme të qëndrueshme.

“Ne nuk po kërkojmë një luftë me Iranin. Ne nuk po kërkojmë përshkallëzimin e konfliktit në rajon. Natyrisht, këto sulme vazhdojnë të vijnë. Ne do të vazhdojmë të shikojmë opsionet. Unë nuk mund të flas në emër të liderit suprem apo çfarë do apo nuk do. Unë mund t’ju them se çfarë duam. Ajo që ne duam është një Lindje e Mesme e qëndrueshme, e sigurt dhe e begatë dhe duam që këto sulme të ndalen”, tha Kirby.

Në lidhje me akuzat e bëra nga Izraeli kundër 12 punonjësve në agjencinë e OKB-së për refugjatët palestinezë (UNRWA), e cila ka çuar në tërheqjen e fondeve nga SHBA për agjencinë, Kirby tha se sipas tij, ata kanë ndihmuar në shpëtimin e mijëra jetëve dhe ne nuk duhet të kundërshtojmë punën e mirë të një agjencie të tërë për shkak të akuzave.

“Është e rëndësishme të kujtojmë se UNRWA bën punë të rëndësishme në të gjithë rajonin, sigurisht në Gaza. Ata kanë ndihmuar në shpëtimin e mijëra jetëve dhe ne nuk duhet të kundërshtojmë punën e mirë të një agjencie të tërë për shkak të akuzave të tmerrshme, thjesht të tmerrshme të lobuara kundër një numri të vogël të punonjësve të tyre. Kështu që unë mendoj se ne kemi pikat e vendimit që do të duhet t’i bëjmë për të ecur përpara këtu, por unë nuk dua të kaloj përpara hetimit dhe asaj që do të gjejë”, shtoi ai.