Të paktën 35 persona kanë humbur jetën si pasojë e një sulmi izraelit në një kamp për personat e zhvendosur në Rafah. Lajmi u bë me dije nga Ministria e Shëndetësisë së Gazës, e cila shtoi se në mesin e viktimave dhe të plagosurve, shumica janë gra dhe fëmijë.
Autoritetet dhe mjekët e Gazës thonë se sulmi goditi një kamp zhvendosjeje që ishte caktuar nga Izraeli si një “zonë e sigurt”.
Forcat e Mbrojtjes të Izraelit (IDF) thanë se bombardimi goditi një kompleks militant në zonë, duke vrarë dy zyrtarë të lartë të Hamasit.
Presidenca e Autoritetit Palestinez i kërkoi komunitetit ndërkombëtar të ndërhyjë menjëherë. Hamasi e përshkroi sulmin si një “masakër” dhe tha se ai mban përgjegjës administratën amerikane dhe presidentin amerikan Xho Bajden (Joe Biden).
Mjekët pa Kufij (MSF) shprehën tmerrin pas sulmit ajror, duke thënë se ai “tregon edhe një herë se askund nuk është i sigurt”.
Sulmi izraelit në Rafah erdhi si kundërpërgjigje ndaj tetë raketave të lëshuara nga Hamasi. Kjo shënon herën e parë që raketa janë hedhur në qytet që nga fundi i janarit. Hamasi mori përgjegjësinë për sulmin dhe IDF tha se “një numër predhash” u kapën.
Për Ferrari-n ka qenë një ditë historike ajo e sotmja pasi Ljuis Hamilton ka bërë…
Një stuhi e fortë arktike përfshiu disa shtete jugore në Shtetet e Bashkuara, duke sjellë…
Me propozim të deputetit Blendi Klosi në Komisionin e Ekonomisë dhe Financave u diskutuan disa…
Partia Demokratike ka akuzuar qeverinë se ka vënë në dispozicion makinerinë shtetërore për të siguruar…
Janë vetëdorëzuar në polici Izmir Sakica dhe Samuel Troshani, në lidhje me ngjarjen e rrahjes…
Presidenti amerikan Donald Trump kërcënoi Rusinë me sanksione dhe tha se lufta në Ukrainë nuk…
This website uses cookies.