Ushtria izraelite tha se forcat e saj kanë rrethuar Han Junisin, qytet në jug të Rripit të Gazës, njofton Zëri i Amerikës.
Qyteti i dytë më i madh i këtij territori ditëve të fundit është përballur me luftime të ashpra dhe dhjetëra palestinezë janë vrarë dhe plagosur.
Operacionet për rrethimin e Han Junisit, ushtria izraelite i nisi një ditë më parë.
“Gjatë ditës së kaluar, trupat e ushtrisë kanë kryer operacione të gjëra gjatë të cilave kanë rrethuar Han Junisin dhe kanë thelluar operacionet tona në zonë”, tha ushtria. “Trupat tokësore janë përfshirë në luftime të afërta, në sulme direkte, duke rezultuar në eliminimin e dhjetëra terroristëve”, u tha në njoftim.
Zyrtarët izraelitë thanë se liderë kryesorë të Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – mund të jenë duke u fshehur në tunelet e qytetit.
Në njoftimin për rrethimin e Han Junisit, ushtria izraelite nuk dha dëshmi për vrasjen e pretenduar të luftëtarëve të Hamasit dhe detajet e luftimeve në atë zonë nuk kanë mundur të konfirmohen në mënyrë të pavarur.
Han Junisi është vendlindja e Yehya Sinwar, një lider i lartë i Hamasit në Gazë, vendndodhja e të cilit është e panjohur.
Lufta mes Izraelit dhe Hamasit nisi më 7 tetor, pasi radikalët palestinezë sulmuan jugun e Izraelit, duke vrarë 1.200 persona dhe duke rrëmbyer afër 250 të tjerë. Si pasojë e ofensivës izraelite, në Rripin e Gazës janë vrarë mbi 25.000 palestinezë, sipas të dhënave të prezantuara nga Ministria e Shëndetësisë në territorin e udhëhequr nga Hamasi. Megjithatë, ky institucion nuk bën dallimin mes civilëve dhe luftëtarëve të vrarë, por ka thënë se dy e treta e të vrarëve ishin gra dhe fëmijë.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.