“Jam Italian, por kam zemër shqiptare, i nderuar të shërbej në Shkodër”

Zyrtarisht nga kjo e mërkurë, Giovanni Peragine mori detyrën si arqipeshkëvi i ri i Shkodrës.

Në daljen e tij të parë për mediat Peragine u ndal tek rendësia e bashkimit, paqes dhe rikthimit të shpresës së humbur teksa tha se jam Italian, por kam zemër shqiptare.

Arqipeshkëvi i sapo emëruar deklaroi se e ka të qartë se po vjen në një kishë me tradita të lashta e baza të forta fetare .

Monsinjor Angelo Massafra drejtoi kishën katolike në Shkodër për 28 vite radhazi, falenderoi bashkëpunëtorët, besimtarët dhe uroi arqipeshkëvin e ri Peragine.

Drejtuesi i ri i kishës katolike në Shkodër, Giovanni Peragine, ka shërbyer prej shumë vitesh në vendin tonë teksa ka drejtuar famullinë në Laç prej vitit 2002 dhe 7 vitet e fundit ishte administrator apostolik për zonën e jugut të Shqipërisë duke u emëruar tashmë si arqipeshkëv i Shkodrës.