Java kombëtare e praktikave profesionale , shkolla Industriale “Arben Broci” hapi dyert për nxënësit e ciklit 9- vjeçar

Shkolla Industriale “Arben Broci” në Shkodër hapi dyert për nxënësit e ciklit 9- vjeçar për t’i njohur ata me mundësitë që ofron ky institucion i arsimit profesional.

 Kjo ditë iu dedikua promovimit të drejtimit të Teknologjisë së Informacionit dhe Komunikimit.

Aktiviteti promovues u zhvillua në kuadër të Javës Kombëtare të Praktikave Profesionale me qëllim afrimin e të rinjve me botën e punës.

Java e Praktikave Profesionale do të zgjasë deri më 30 nëntor.

Ajo është një mundësi e mirë për prezantimin e projekteve nga ana e nxënësve, ndarjen e përvojave praktike dhe marrjen e udhëzimeve nga ekspertët.

 Shkolla Industriale “Arben Broci” ka rreth 460 nxënës të ndarë në drejtimin e Elektroteknikës, Shërbim Mjetesh Transporti, Mekanikë, Termo-Hidraulikë, Ndërtim dhe Teknologji e Informimit dhe Komunikimit.