Ekipi Kombëtar i Boksit është pjesëmarrës në Kampionatin Europian U-22, ndeshjet e të cilit po zhvillohen në Budva të Malit të Zi. Në përbërje të kombëtares së Shqipërisë bëjnë pjesë tre boksierë: Ariol Zeneli 57 kg, Flavio Meta 75 kg, Gelian Rojku 92 kg, të cilët shoqërohen nga trajnerët e kombëtares së Shqipërisë, Zef Gjoni, Gëzim Zeneli dhe Lazarin Vila. Ballafaqimi i parë për kombëtaren e Shqipërisë ishte ai i peshës deri në 57 kg, ku boksieri ynë, vlonjati Ariol Zeneli, i cili pati përballë kundërshtarin e tij nga Azerbajxhani, Azrak Babirov. Një duel që është shoqëruar me rivalitet gjatë të gjithë ndeshjes, ndërkohë që në përfundim është shpallur fitues boksieri azer, Azrak Babirov. Në këtë mënyrë, kombëtarja e Shqipërisë e ka nisur me humbje kampionatin Europian U-22 që po zhvillohet në Budva. Duket se qyteti malazez nuk sjell fat për boksin shqiptar, pasi një muaj më parë Shqipëria ishte pjesëmarrëse në Budva me kombëtaren e të rriturve ku Arjol Zeneli kategoria, Arjon Kajoshi, Senad Drini, Gelian Rojku kategoria, duke e mbyllur Turneun Europian të Boksit EUBC Cup pa asnjë fitore, gjë që solli eleminimin e boksierëve kuqezi që në turin e parë. Megjithatë, shpresat që të mos përsëritet dështimi i turneut të mëparshëm janë tek dy boksierët e tjerë, Flavio Meta 75 kg, Gelian Rojku 92 kg. Dhe, konkretisht, në ditën e dytë, rradha e konkurimit është për Flavio Meten e kategorisë 75 kg. Sipas kalendarit të Europianit, Meta do te boksoi kundër Aleksandru Marian Beleu të Rumanisë. Nisur nga forma e mirë sportive që ka shfaqur gjatë ditëve të grumbullimit në Shkodër, boksieri Flavio Meta, por edhe trajnerët e kombëtares janë optimist për marrjen e një rezultati pozitiv. Me të njëjtin optimizëm janë drejtuesit e kombëtares edhe për boksierin tjetër Gelian Rojku të peshës deri në 92 kg, boksimi i të cilit në ring pritet të jetë pasditen e së mërkurës.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.