Kampionati i “MMA” në Tiranë/Kermeshtna shpallet kampion në -64.2 kg

Në Tiranë u zhvillua Kampionati Ndërkombëtar i Arteve Marciale Mikse, ku morën pjesë mbi 80 sportistë nga 12 klube të Shqipërisë dhe Kosovës. Klubi Vllaznia MMA shkëlqeu në këtë kampionat, duke mbetur i pamposhtur në përballjet kryesore.
Hysen Kermeshtna, luftëtar i kategorisë -64.2 kg, spikati si një nga më të mirët, duke u kurorëzuar kampion dhe duke treguar një nivel të lartë profesionalizmi. 19-vjeçari Kermeshtna u shpall kampion pas dy fitoreve të fuqishme: të parën me KO dhe të dytën me dorëzimin e kundërshtarit!
Në përfundim të aktivitetit, ekipi i Vllaznisë zuri vendin e tretë.
Bertan Çeliku u shpall kampion në moshën 12 vjeç, në peshën +50 kg.
Aldin Draga zuri vendin e dytë në moshën 12 vjeç, në peshën +50 kg.
Aron Donzha, 14 vjeç, në kategorinë +60 kg, nuk arriti të ndeshej për shkak të mungesës së kundërshtarit.
Gjon Mjeda, 15 vjeç, në kategorinë +77 kg Junior, pati ndeshje pa rezultat.
Amber Mustafa, 16 vjeç, në kategorinë -66 kg Junior, zuri vendin e dytë.
MMA është një sport luftarak që kombinon teknika nga disiplina të ndryshme, si boksi, xhudo, karate dhe ërestling. Ky sport po tërheq gjithnjë e më shumë interesin e te rinjve për t’u aktivizuar në këtë disiplinë të re për sportin shqiptar.