Kampionati i ping-pongut në QKF “Kujtim Alija”- Shpallen fituesit për djem e vajza, treguan cilësi edhe në këtë sport
Ka përfunduar kampionati i ping-pongut për shkollat 9- vjeçare të Bashkisë Shkodër.
Aktiviteti është në kuadër të planit vjetor të Qendrës Kulturore të Fëmijëve “Kujtim Alija” të Shkodrës. Djemtë dhe vajzat e shkollave që morën pjesë kanë treguar vlera edhe në këtë sport të veçantë.
Në përfundim të ndeshjeve, janë shpallur edhe fituesit që flasin për RTSH Shkodra.
Përgjegjësi i sportit në QKF “Kujtim Alija”, Herion Faslija, shprehet i kënaqur me cilësinë e ndeshjeve dhe paraqitjen e fëmijëve.
Paralelisht me sportin e pingpongut, organizohet edhe kampionate të tjera, siç ishte edhe ai i shahut për shkollat 9- vjeçare të Bashkisë Shkodër.
