Një fitore dhe një barazim, është bilanci i ekipeve të Vllaznisë në basketboll për meshkuj dhe femra, takime këto të vlefshme për javën e parë të fazës së dytë. Fitorja i përket ekipit të meshkujve, i cili nën drejtimin e trajnerit Damian Bekteshi ishte mysafir në qytetin e Korçës duke u ndeshur me ekipin vendas Skënderbeu. Ndeshja e luajtur në pallatin e sportit “Tamara Nikolla” u dominua tërësisht nga ekipi kuqeblu, i cili e fitoi të gjithë ndeshjen me rezultatin e thellë 66-104. Një ndeshje kjo ku u aktivizuan të gjithë lojtarët e ekipit, mes të cilëve spikati 18-vjeçari Sead Kopliku, i cili realizoi 25 pikë, ku ndër to 21 pikë u realizuan nga gjuajtja për 3 pikë duke realizuar plot 7 trepiksha gjatë takimit. Ndërkohë, për ekipin e femrave, kundërshtari i kësaj jave ishte shumë i fortë, pasi përballë kishin ekipin e Partizanit. Ndeshja e luajtur mbrëmjen e së shtunës në pallatin e sportit “Qazim Dervishi” u mbyll me rezultatin e thellë 54 me 76 në favor të ekipit mysafir, i cili për hirë të së vertetës ishte superior gjatë të gjithë takimit.
Duke lënë pas javën e parë, me shumë rëndësi, për dy ekipet e Vllaznisë, femra dhe meshkuj, është java e dytë e fazës së dytë, ku formacionet kuqeblu do të ballafaqohen me dy ekipet rivale në renditje të Teutës së Durrësit.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.