Tre shtetas janë proceduar në gjendje të lirë nga policia e Shkodrës pasi akuzohen për vepra të ndryshme penale. Në njoftimin zyrtar nga Drejtoria Vendore e Policisë së Shkodrës bëhet e ditur se ka nisur procedimi në gjendje të lirë për një 51- vjeçar, pasi mbrëmjen e së premtes, në aksin rrugor Shkodër – Mes, në fshatin Dragoç, ka humbur kontrollin mbi drejtimin e motomjetit, i cili është përplasur me një karrocë, që ishte ndaluar në anë të rrugës. Për pasojë, drejtuesi i motomjetit ka pësuar dëmtime të lehta. Ndërkohë Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për një shtetas , banues në fshatin Alimetaj të Anës së Malit, pasi ka kanosur një grua, duke i dërguar mesazhe në celular. Gjithashtu, specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për një 37 vjecare, banuese në fshatin Trush, pasi ka kryer punime pa lejen përkatëse, në banesën e babait të saj.Materialet procedurale njofton policia i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
“Shqipëria e së ardhmes do të jetë si Italia”, ka qenë kjo deklarata e kryeministrit…
Një sasi lënde plasëse është hedhur në derën e jashtme të një banese në fshatin…
Ashtu si një mini-Saturn, rreth 466 milionë vjet më parë Toka ka të ngjarë të…
Shqipëria ka shënuar një vit rekord sa i përket numrit të turistëve. Kështu e nis…
Diva e madhe, ikona e vërtetë e kinemasë italiane, lindi më 20 shtator 1934 në…
Në të kaluarën, nuk ishte e pazakontë që ndërtesave ti duheshin shumë dekada për t'u…
This website uses cookies.