Kapet në Han të Hotit një 31-vjeçar, kërkohej nga drejtësia italiane për trafik narkotikësh
Policia Kufitare e Hanit të Hotit ndaloi një shtetas të shpallur në kërkim ndërkombëtar nga Italia, i cili akuzohet si pjesëtar i një organizate kriminale për trafikimin e lëndëve narkotike.
Si rezultat i shkëmbimit të informacionit ndërmjet Interpol Tiranës dhe homologëve në Itali, të kryera në kuadër të megaoperacionit “Sundimi i ligjit”, për ndalimin e shtetasve të shpallur në kërkim kombëtar ose ndërkombëtar, u ndalua në dalje të Shqipërisë, shtetasi me iniciale A. H., 31 vjeç, banues në Kavajë.
Ndërkohë vijojnë procedurat e ekstradimit të 31-vjeçarit për në Itali, ku do të përballet me drejtësinë italiane.
