Karnavalet e Shkodrës ndër vite, ekspozitë fotografike e traditës së hershme të festimit
Karnavalet kanë shkruar historinë e tyre në Shkodër. Tradita e hershme e festimit daton që në vitin 1860. Biblioteka “Marin Barleti” ka ndërmarrë iniciativën e veçantë për ekspozimin e kësaj pjese të historisë. Në hollin e saj, bien në sy fotografitë e Shan Picit, Kel Marubit, Dedë Jakovës etj. që dokumentojnë me aparatin e tyre këto festime tradicionale.
Fotografitë e ekspozuara në ambientet e brendshme të Bibliotekës publike të Shkodrës, shfaqen për publikun pas më shumë se 20 vitesh.
Ekspozitë fotografike lidhur me karnavalet e Shkodrës është çelur edhe në hapësirën e jashtme përpara kinemasë së qytetit. Ajo është pjesë e kalendarit të aktiviteteve nga organizatorët e festës. Kalimtarët e rastit kanë mundësinë të njihen me një pjesë të historisë së festimit të tyre në qytet.
