Ushtria izraelite tha të martën se ka filluar të transferojë inkubatorë për foshnjat në Rripin e Gazës, për të mundësuar evakuimin e bebeve të porsalindura nga spitali i madh i Al-Shifës në territorin palestinez.
Në deklaratën e njoftuar në mediet sociale, ushtria (IDF) postoi imazhin e një ushtari duke shkarkuar inkubatorët nga një furgon, pas apelit nga Spitali Al-Shifa se lufta mes Izraelit dhe grupit Hamas po vinte në rrezik jetën e të sapolindurve, teksa forcat tokësore izraelite vijojnë operacionin “antiterror” dhe po mbaron karburanti për gjeneratorin.
“IDF-ja mbetet e përkushtuar të mbështesë përgjegjësitë e saj morale dhe profesionale për të bërë dallimin midis civilëve dhe terroristëve të Hamasit. IDF-ja është e gatshme të punojë me çdo palë ndërmjetësuese të besueshme për të garantuar transferimin e inkubatorëve,” njoftoi zëdhënësi ushtarak.
Doktorët e Spitalit të Al-Shifës kanë bërë thirrje për ndihma, pasi “nuk ka më ujë, ushqim, qumësht për fëmijë dhe bebe. Situata në spital është katastrofike,” tha për CNN drejtori i qendrës mjekësore, Dr. Muhamad Abu Salmija (o. Muhamad Abu Salmiya).
Ditët e fundit ka pasur 15 pacientë që kanë humbur jetën në Al-Shifa, mes tyre gjashtë të porsalindur, për shkak të ndërprerjeve të energjisë dhe mungesës së furnizimeve mjekësore.
Përplasjet luftarake më shumë se njëmujore kanë shkaktuar më shumë se 1.200 vdekje në Izrael dhe mbi 11.180 në Gazë.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.