Katastrofë për Juventusin, Udineze i mposht dhe i shuan shpresat për titull
Juventusi ka marrë një tjetër humbje mbrëmjen e djeshme, teksa Udineze i ka mposhtur në “Allianz Stadium” me rezultatin 0-1. Golin e vetëm të takimit e shënoi Giannetti në pjesën e parë në minutën e 25′.
Bardhezinjtë e shohin veten tashmë 7 pikë larg Interit kryesues, i cili ka dhe një ndeshje më pak dhe diferenca mund të thellohet në +10.
Nga ana tjetër, skuadra e Allegrit sheh rrezikun që vjen nga Milani i vendit të tretë, pasi me formën e kuqezinjve, Juvja mund të zbresë edhe një vend më poshtë. Megjithatë jemi ende në shkurt dhe kampionati ka akoma javë për të luajtur.
Javën e ardhshme në Serie A, “Zonja e Vjetër” do të përballet me Veronën në transfertë.
