Kategoria e dytë në futboll – “Basania” mund “Albanët”, shënojnë Xhahysa, Hasaj, Tafili
Kampionati Kombëtar i futbollit për kategorinë e dytë ka luajtur pasditen e së shtunës ndeshjet e javës së gjashtë. Në grupin A ku luajnë skuadrat veriore, Basania e Bushatit ka mundur me rezultatin 3-2 Albanët, ku golat fitores për ekipin vendas i shënuan Rigers Xhahysa, Brilant Hasaj dhe Alsid Tafili me penallti.
Edhe pse skuadra e tij po rritet në renditje, për trajnerin Lika, objektivi i Basanias vazhdon të jetë ai i deklaruar në fillim të kampionatit, për të qënë sa më afër fazës Play Off.
Ndeshja tjetër e grupit A, Veleçiku-Besëlidhja është mbyllur në barazim 0-0, ndërkohë që Murlani është mundur në shtëpi nga Gramshi 1-2.
