Kënga shkodrane përballë sfidave të kohës – Epoka digjitale ka ndikimin e saj pozitiv dhe negativ tek muzika e qytetit

Kënga shkodrane, një nga simbolet më të çmuara të trashëgimisë shpirtërore të qytetit të Shkodrës, përballet sot me sfida të reja në përpjekjen për ta ruajtur dhe përcjellë brez pas brezi.

 Ndërkohë që globalizimi dhe ndikimet e huaja kërcënojnë autenticitetin e saj, teknologjia dhe sidomos Inteligjenca Artificiale po sjellin debate të reja rreth së ardhmes së kësaj pasurie shpirtërore.

Muzikologu i njohur shkodran, Qamil Gjyrezi, shprehet se ndikimi i Inteligjencës Artificiale nuk duhet parë si kërcënim, por si një mundësi.

Ai vlerëson gjithashtu përpjekjet e brezit të ri të këngëtarëve shkodranë që, pavarësisht sfidave, po punojnë me pasion për të ruajtur dhe promovuar këtë trashëgimi të vyer.

Në një kohë kur teknologjia po ndryshon mënyrën se si krijohet dhe shpërndahet muzika, mbetet e rëndësishme që kënga shkodrane të ruajë origjinalitetin e saj, ndërsa shfrytëzon mundësitë e reja për të mbijetuar dhe lulëzuar edhe në epokën digjitale.